ગુજરાતી ફિલ્મ જગત માટે સુવર્ણ દિવસ; ડાયરેક્ટર પાન નલિનની ફિલ્મ ‘છેલ્લો શો’ ઓસ્કર 2023માં નોમિનેટ થઈ


ગુજરાતી સિનેમા માટે સારા સમાચાર છે. ગુજરાતી ફિલ્મ ‘છેલ્લો શો’ની ઓસ્કરમાં એન્ટ્રી થઈ છે. ભારત તરફથી છેલ્લો શો ફિલ્મ ઓસ્કર-2023 માટે એન્ટ્રી કરનારી ફિલ્મ બની છે. ફિલ્મ ફેડરેશન ઓફ ઈન્ડિયા દ્વારા આ જાહેરાત કરવામાં આવી છે. આ ફિલ્મ 14 ઓક્ટોબરે સમગ્ર ભારતમાં રિલીઝ થવાની છે. રસપ્રદ વાત એ છે કે આ ફિલ્મે આ વર્ષની સુપરહિટ ફિલ્મો એવી એસ. એસ. રાજામૌલિની ‘RRR’ અને વિવેક અગ્નિહોત્રીની ‘ધ કાશ્મીર ફાઇલ્સ’ને પણ પાછળ છોડી દીધી છે. હવે આ ‘છેલ્લો શો’ ફિલ્મ આવતા વર્ષે અમેરિકાના લોસ એન્જલસ ખાતે યોજાનારા ‘એકેડમી અવૉર્ડ્સ’ એટલે કે ‘ઓસ્કર અવૉર્ડ્સ’માં ભારતનું પ્રતિનિધિત્વ કરશે અને ‘બેસ્ટ ઇન્ટરનેશનલ ફિલ્મ’ની કેટેગરીમાં વિશ્વભરની ફિલ્મો સાથે સ્પર્ધામાં ઊતરશે. ભારતમાં 14 ઓક્ટોબરે આ ‘છેલ્લો શૉ’ ફિલ્મ રિલીઝ થશે.

આ પણ વાંચોઃ-Happy Bhavsar Death: હેપીનાં નામની પાછળ છે એક નાનકડી રસપ્રદ કહાની, જન્મી ત્યારે રડી ન હતી હેપી ભાવસાર

2023માં લોસ એન્જલસમાં ભારતનું પ્રતિનિધિત્વ કરશે

2023ની સાલમાં અમેરિેકાના લોસ એન્જલસમાં યોજાનાર ઓસ્કર અવૉર્ડ્સમાં ફિલ્મ છેલ્લો શો ભારતનું પ્રતિનિધિત્વ કરશે અને બેસ્ટ ઈન્ટરનેશનલ કેટેગરીની ફિલ્મો સાથેની સ્પર્ધામાં ઉતરશે.

Gujarati film “Chhello Show” is India’s official entry for Oscars 2023: Film Federation of India

ફિલ્મ ડિરેક્ટરના જીવન પરથી પ્રેરિત છે ફિલ્મ

અન્ય રસપ્રદ વાત એ છે કે આ ફિલ્મના મોટા ભાગની વાર્તા ફિલ્મના ડિરેક્ટર પાન નલિનના જીવન પરથી છે. જેમનો જન્મ સૌરાષ્ટ્રના અડતાલા ગામમાં થયેલો છે. ગામડાના સ્થાનિક 6 બાળકોને આ ફિલ્મમાં લેવામાં આવ્યા છે. ફિલ્મનું શૂટિંગ સૌરાષ્ટ્રના રેલ્વે સ્ટેશન અને ગામડાઓમાં થયું છે. ફિલ્મની વાર્તાને રિયલ લૂક આપવા માટે જૂના સિનેમા પ્રોજેક્ટર્સની પણ ખરીદી કરવામાં આવી હતી. કોરોના પહેલા (માર્ચ 2020) આ ફિલ્મનું શૂટિંગ થયું હતું પરંતુ મહામારીને કારણે પોસ્ટ પ્રોડક્શન આ ફિલ્મનું બાકી હતું.

ફિલ્મના કલાકારો

ભાવિન રબારી (સમય)
ભાવેશ શ્રીમાળી (ફઝલ)
રિચા મીના (બા – સમયની માતા)
દિપેન રાવલ (બાપુજી – સમયના પિતા)
પરેશ મહેતા (સિનેમા મેનેજર)

Published by:Priyanka Panchal

First published:

Tags: ગુજરાતી ફિલ્મ





Source link

Leave a Comment