શ્રદ્ધા હત્યાકાંડ જેવો બીજો બનાવ, પ્રેમિકાએ પતિ સાથે મળીને પ્રેમીની હત્યા કરી તેના લાશના ટુકડા કરી…


દિલ્હીમાં શ્રદ્ધા હત્યા કેસ અને તેના મૃતદેહના 35 ટુકડા કરી દેવાનો મામલો હજુ થાળે પડ્યો નથી કે બિહારમાંથી આવી જ એક હ્રદયદ્રાવક ઘટના સામે આવી છે. ફરક માત્ર એટલો છે કે બિહારમાં બનેલી આ ઘટનામાં પ્રેમનો ગુનેગાર એક વ્યક્તિ બની ગયો, જેની નિર્દયતાથી હત્યા કરવામાં આવી એટલું જ નહીં, લાશના છ ટૂકડા કરીને તેને ફેંકી દેવામાં આવી. હત્યા પાછળ પ્રેમ પ્રકરણ પણ કારણભૂત હતું.

આ મામલો નાલંદા જિલ્લાનો છે જ્યાં વિકાસને પ્રેમની કિંમત ચૂકવવાનું મોંઘું પડ્યું. વિકાસની હત્યા કર્યા બાદ તેના શરીરના છ ટુકડા કરી નાખ્યા હતા. હકીકતમાં, નાલંદા જિલ્લાના સિલાવ પોલીસ સ્ટેશન વિસ્તારના નંદ ગામનો રહેવાસી વિકાસ ચૌધરી બુધવારે મોડી સાંજથી ગુમ થયો હતો. ગુરુવારે રાત્રે, દીપનગરના મેઘી ગામ નજીક વિકાસ ચૌધરીના કપાયેલા હાથ અને પગ મળ્યા હતા, ત્યારબાદ પોલીસ કેસની તપાસમાં વ્યસ્ત હતી.

આ પણ વાંચોઃ ઈશા અંબાણી-આનંદ પિરામલ જોડિયા બાળકોના પેરેન્ટ્સ બન્યા, દીકરીનું નામ આદ્યા અને દીકરાનું નામ ક્રિષ્ના પાડ્યું

આ દરમિયાન, દીપનગરના સિપાહ ગામમાં સ્થિત પાંચાને નદીમાંથી લાશ મળી આવી હતી અને માથું પટનાની પુનપુન નદીમાં બોરીમાં બંધ સ્થિતિમાં મળી આવ્યું હતું. આ કેસમાં પોલીસે પરિણીત પ્રેમિકાને કસ્ટડીમાં લીધી ત્યારે સમગ્ર મામલો સામે આવ્યો. હકીકતમાં, વિકાસની પ્રેમિકા જ્યોતિ દેવી અને તેના પતિ રંજને આ બાબતનો પર્દાફાશ કર્યો હતો. કહેવાય છે કે પ્રેમી વિકાસ ચૌધરી તેની પ્રેમિકા જ્યોતિને મળવા નૂરસરાયના બારાખુર્દ ગામમાં પહોંચ્યો હતો.

આ વાતની જાણ જ્યોતિના પતિને થઈ હતી. મામલો જાણ્યા બાદ તે ગુસ્સે થયો હતો અને તેની પત્ની સાથે મળીને તેની ઘાતકી હત્યા કરી હતી. હાલ આ હત્યા કેસમાં અન્ય કોણ કોણ સંડોવાયેલ છે તેની પણ ઓળખ કરવામાં આવી રહી છે.

કહેવાય છે કે પ્રેમિકા જ્યોતિ દેવીના પિયર બિહારના રામચંદ્રપુરમાં વિકાસ ભાડાનો રૂમ લઈને અભ્યાસ કરતો હતો. તે દરમિયાન બંને પ્રેમમાં પડ્યા હતા. આ દરમિયાન બંનેએ લગ્ન પણ કરી લીધા હતા. જ્યાં વિકાસને એક પુત્ર છે, જ્યારે નૂરસરાયના બારાખુર્દના રહેવાસી રંજન કુમારની પત્ની જ્યોતિને પણ બે પુત્રો છે. તેમ છતાં બંને વચ્ચેનો પ્રેમપ્રકરણ અટકવાનું નામ લઈ રહ્યો ન હતો. આખરે પ્રેમીની હત્યા થતાં આ કેસનો અંત આવ્યો હતો.

ડીએસપી સદર ડો. શિબલી નોમાનીએ જણાવ્યું કે દંપતીને કસ્ટડીમાં લીધા બાદ તેમની પૂછપરછ કરવામાં આવી રહી છે. તેણે જણાવ્યું કે પ્રેમી વિકાસની હત્યા પછી તેની લાશના છ ટૂકડા કરીને તેને અલગ અલગ જગ્યાએ ફેંકી દીધા હતા, જે પોલીસને મળી આવ્યા હતા.

Published by:Priyanka Panchal

First published:

Tags: Bihar Crime, Girl Friend, Murder news



Source link

Leave a Comment