Amreli: આ ગૌશાળા કેમ સમગ્ર પંથકમાં ફેમસ છે, એવું તે શું ખાસ કામ થાય છે અહીં?

Abhishek Gondaliya. Amreli; વડા ગામ ખાતે આજથી 8 વર્ષ પહેલા શરૂ કરવામાં આવી ગૌશાળા, જેનું નામ રાખવામાં આવ્યું ઓમ નંદેશ્વર ગૌશાળા.જયંતીભાઈ માલાણી દ્વારા આ ગૌશાળા શરૂ કરવામાં આવી હતી. શરૂઆતમાં ગૌશાળાની અંદર પાંચથી છ પશુઓને અહીં લાવવામાં આવ્યા હતા. ત્યારબાદ તેની સારવાર કરી અને સ્વસ્થ કરવામાં આવ્યા હતા. ધીમે ધીમે આ ગૌશાળાનું નામ સાવરકુંડલા શહેરી વિસ્તાર ગ્રામીણ વિસ્તાર અને અમરેલી જિલ્લાની અંદર પ્રસરતું રહ્યું હતું અને આજે આ ગૌશાળાની અંદર 543 ગાયો જે બીમાર પશુઓને સારવાર કરવામાં આવે છે અને સ્વસ્થ કરવામાં આવે છે.

પશુ સારવાર કેન્દ્ર તરીકે ઓળખાય છે ગૌશાળા

વડા ગામે આવેલી આ ગૌશાળા પશુ સારવાર કેન્દ્રના નામથી પણ ઓળખાય છે લોકો અહીં લીલો ખાસ સારો દાનમાં આપવામાં આવે છે આ ગૌશાળા ની અંદર બીમાર પશુઓને લાવવામાં આવે છે અહીં એક ડોક્ટર દ્વારા 24 કલાક બીમાર પશુઓની સારવાર કરવામાં આવશે સાથે જ તમામ પશુઓની સારવાર અને સંભાળ રાખવા માટે પાંચ વ્યક્તિઓ દ્વારા કામ કરવામાં આવી રહ્યું છે.

જયંતીભાઈ માલાણી દ્વારા આ વંડા સિવાય સુરતમાં પણ મોટી ગૌશાળા ચલાવવામાં આવે છે જ્યાં 4000 જેટલી ગાયોની સારવાર સાર સંભાળ રાખવામાં આવે છે. આ ગૌશાળા નો એક નિયમ છે કે ગાય આ ગૌશાળા ના દરવાજાની અંદર આવ્યા બાદ મૃત્યુ પામે ત્યાં સુધી અહીંયાથી બહાર લઈ જવામાં આવતી નથી.

તમામ ગાયોને અંદર જ પાણીથી લઈ અને ઘાસચારાની વ્યવસ્થાઓ કરવામાં આવે છે અહીં નાના વાછરડી ઓ પણ ઉછેરવામાં આવે છે જેઓની માતા અન્ય કારણોસર મૃત થઈ હોય જેવી નાની વાછડી વાછડાઓને અહીં અન્ય ગાયોને દૂધ દોહી અને આ વાસરડીઓને પીવડાવી અને સાર સંભાળ રાખી અને મોટી કરવામાં આવે છે

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Gaushala, Local 18, અમરેલી