Ayushi murder Case: ઘરેથી જાણ કર્યા વગર નીકળતા પિતાને આવ્યો ગુસ્સો, દીકરીને મારી ગોળી અને પછી…


મથુરા: ઉત્તર પ્રદેશના મથુરા જિલ્લામાં યમુના એક્સપ્રેસ વે પાસે ટ્રોલી બેગમાંથી મળેલી લાશની ઓળખ થઈ ગઈ છે. પોલીસના જણાવ્યા અનુસાર આ મૃતદેહ 21 વર્ષીય આયુષી યાદવનો છે, જે બદરપુરની રહેવાસી હતી. રવિવારે મૃતકની માતા અને ભાઈએ લાશની ઓળખ કરી હતી. પોલીસના જણાવ્યા અનુસાર, મામલો ઓનર કિલિંગનો છે. પોલીસની પ્રાથમિક તપાસ મુજબ આયુષીના પિતાએ જ પુત્રીની ગોળી મારીને હત્યા કરી હતી. ત્યારબાદ મૃતદેહને ટ્રોલી બેગમાં રાખીને એક્સપ્રેસ વેની બાજુમાં ફેંકી દીધો હતો. પોલીસે આરોપી પિતા અને માતાની ધરપકડ કરી લીધી છે. પોલીસ હત્યાના હથિયારની પણ શોધ કરી રહી છે.

પોલીસ સૂત્રોના જણાવ્યા અનુસાર, આયુષી ચૌધરી બાદરપુરની શેરી નંબર 65 ગામ મોડ બંધમાં રહેતી હતી. તેનું ભરતપુરના એક છોકરા સાથે અફેર હતું. આ છોકરો તેના ક્લાસમેટનો સંબંધી છે. માતા-પિતાને પુત્રીનું આ અફેર મંજૂર નહોતું. 17 નવેમ્બરના રોજ બપોરે આયુષીએ તે છોકરાને લઈને તેની માતા સાથે ઝઘડો કર્યો હતો. આ બાદ, માતાએ પિતાને આ વિશે જણાવ્યું હતું. અગાઉ માતા અને પિતા બંનેએ મળીને પુત્રીને સમજાવવાનો પ્રયાસ કર્યો હતો, પરંતુ તે ન માનતા ગુસ્સે ભરાયેલા પિતાએ લાયસન્સ રિવોલ્વરથી તેની છાતીમાં ગોળી મારીને તેણીની હત્યા કરી હતી.

આ પણ વાંચો:  શ્રદ્ધાની હત્યાના લગભગ બે અઠવાડિયા બાદ આફતાબે મુંબઈથી 37 બોક્સ મંગાવ્યા હતા, દિલ્હી પોલીસ કરશે તપાસ

પોલીસ સૂત્રોના જણાવ્યા અનુસાર, આયુષી ઘણીવાર મોડી રાત સુધી ઘરની બહાર રહેતી હતી, જેથી તેના પિતા નારાજ હતા. સુત્રો એવો પણ દાવો કરી રહ્યા છે કે, તેણીએ પરિવારની સંમતિ વિના અન્ય જ્ઞાતિના યુવક સાથે લગ્ન કર્યા હતા. આ તમામ કારણોસર ગુસ્સે ભરાયેલા પિતાએ પુત્રીની હત્યા કરી લાશને મથુરામાં સુટકેસમાં ફેંકી દીધી હતી. મથુરાના એસપીના જણાવ્યા અનુસાર, માતા-પિતાની પુત્રીની હત્યાના આરોપમાં ધરપકડ કરવામાં આવી છે. હાલ પોલીસ દ્વારા આરોપીની પૂછપરછ કરવામાં આવી રહી છે.

આ પહેલા રવિવારે આયુષીની માતા બ્રજવાલા અને ભાઈ આયુષ મથુરાના પોસ્ટમોર્ટમ હાઉસ પહોંચ્યા અને મૃતદેહની ઓળખ કરી હતી. ઓળખાણ બાદ પરિવાર કોઈની સાથે વાત કર્યા વગર સીધો પોલીસ સાથે કારમાં બેસી ગયો હતો.

Published by:Samrat Bauddh

First published:

Tags: Murder case, ​​Uttar Pradesh News



Source link

Leave a Comment