Gangs Who Cheat By Downloading The App On The Pretext Of Paying The Light Bill

અમદાવાદ: સોશિયલ મીડિયાના આ યુગમાં લોકો પોતાના હાથમાં રહેલા મોબાઇલ વડે પોતાના કામ સરળતાથી કરી રહ્યા છે પરંતુ જે મોબાઇલ લોકોના કામ સરળ બનાવી શકે છે તે લોકોના ખિસ્સા ખાલી પણ કરી શકે છે. જ્યાં મોબાઇલમાં રહેલી એપ્લિકેશન દ્વારા આજે પૈસાની ચૂકવણીથી લઇ બિલ ભરી શકાય છે ત્યાં જ હવે આવી એપ્લિકેશનથી છેતરપિંડી આચરતી ગેંગ પણ સક્રિય થઇ છે જે પળવારમાં જ તમારૂં બેંક એકાઉન્ટ સફાચટ કરી શકે છે.

અમદાવાદમાં લાઈટ બિલ ભરવાના બહાને એપ્લિકેશન ડાઉનલોડ કરાવી છેતરપિંડી કરતી ગેંગના એક આરોપીની સાયબર ક્રાઈમે ધરપકડ કરી છે. ઝડપાયેલ આરોપી છેતરપિંડીની રકમથી સોનુ ખરિદવા ગયો હતો. જેના આધારે તેની ધરપકડ કરવામાં આવી છે.

લાઈટ બિલ ભરવાના બહાને એપ્લિકેશન ડાઉનલોડ કરાવી છેતરપિંડી કરતી ગેંગથી સાવધાન

6 લાખની છેત્તરપીંડી કરનાર આરોપી પકડાયો#Gujarat pic.twitter.com/hueMIk0vSz

— News18Gujarati (@News18Guj) September 23, 2022

ઘટનાની વિગતવાર વાત કરીએ તો ફરિયાદીને એક કોલ આવ્યો હતો જેમાં કહેવાયું હતું કે તેને લાઈટબીલના 10 રૂપિયા બાકી છે અને તે નહીં ભરે તો કનેક્શન કપાઈ જશે. તેવુ જણાવી ફરિયાદી પાસે એક એપ્લિકેશન ડાઉનલોડ કરાવી 6 લાખની છેતરપિંડી કરવામાં આવી હતી. ગુનાનો મુખ્ય આરોપી સાવન ગઢીયા છે. આરોપી ની પુછપરછ કરતા સામે આવ્યુ કે, તેની આર્થિક પરિસ્થિતિ સારી ન હોવાથી સાવન જિગ્નેશને દર મહિને 45 હજાર પગાર આપી આ કામ કરાવતો હતો.

આ પણ વાંચો- નવરાત્રિ દરમિયાન આયોજકોએ CCTV સાચવી રાખવા પડશે

સાવન નામનો આરોપી ઝારખંડના પણ કેટલાક સાયબર ક્રિમિનલ્સના સંપર્કમાં હતો અને આ સાયબર ક્રાઇમ માટેની તેણે ઝારખંડમાં તાલીમ પણ લીધેલ છે. જોકે હાલમાં આરોપીની ધરપકડ કરી પોલીસે વધુ તપાસ હાથ ધરી છે અને આ લોકોએ આ મોડસ ઓપરેન્ડી દ્વારા કેટલા લોકોના બેંક ખાતા સફાચટ કર્યા છે તેની જાણકારી મેળવી રહી છે.