રાજ્યમાં લાંબા સમયથી જેની ચર્ચા હતી તે આઈપીએસ અધિકારીઓની બદલીઓ અને બઢતીનો ગંજીફો ચીપાઈ ગયો છે. રાજ્યના 22 આઈપીએસ અધિકારીઓની બદલી કરવામાં આવી છે. આ યાદીમાં આઇપીએસ ઓફિસર ઉષા રાડાનો પણ સમાવેશ થાય છે જેઓને સુરત શહેરના ઝોન-3ના પોલીસ કમિશનર તરેકે મૂકાયા છે.
રાજ્યમાં IPS અધિકારીઓની બદલીનો દોર યથાવત છે. જેમાં આજે ADGP આર.બી.બ્રહ્મભટ્ટની CID ક્રાઈમમાં બદલી, M.D જાનીને સાબરકાંઠામાં મુકાયા છે, શફિન હસન અમદાવાદ DCP ટ્રાફિકમાં બદલી કરાઈ છે. ઉષા રાડા ડે.પોલિસ કમિશનર ઝોન-3 સુરતમાં બદલી કરાઇ છે. અજીત રાજીયાનની સાઈબર ક્રાઈમ અમદાવાદ ખાતે બદલી કરાઇ છે. સાગર બાગમારી સુરત ઝોન-4માં બદલી અને એસ.વી. પરમાર રાજકોટ સીટી ઝોન-1માં બદલી કરાઇ છે.
આ પણ વાંચો- અમદાવાદમાં મંદિરની બહાર એમડી ડ્રગ્સનું વેચાણ કરતો ડ્રગ પેડલર ઝડપાયો
આ સાથે જ રાજ્યમાં 82 ડીવાયએસપી કક્ષાના અધિકારીઓની બદલી કરવામાં આવી છે. આમ રાજ્યમાં વિધાનસભાની ચૂંઠણી પહેલા જ રાજ્યના આઇપીએસથી લઇ ડીવાયએસપી કક્ષાના અધિકારીઓની ધડાધડ બદલીના આદેશો થઇ રહ્યા છે.
આ પણ વાંચો- હવે દરેક મોટા મર્ડર મિસ્ટ્રીના ખુલશે રહસ્યો! 70 બેગમાં બંઘ કરાયેલા છે મૃતદેહ
ગૃહ વિભાગ દ્વારા DySPની બદલીના આદેશ આપવામાં આવ્યો છે. વિધાનસભાની ચૂંટણી પહેલા ગુજરાતમાં શનિવારની રાત્રે કુલ 82 DySPની બદલી કરાઇ છે. જેમાં એચ.કે.વાઘેલાની પાટણથી ગાંધીનગર બદલી, ડી.ડી ચૌધરીની ભાવનગરથી પાટણ બદલી, એમ.કે.રાણા VIP સિક્યોરિટી ગાંધીનગર ખાતે બદલી, સી.સી.ખટ્ટાણાની SC-ST સેલ પોરબંદર ખાતે બદલી, સ્મિત ગોહિલ સાબરકાંઠા ખાતે બદલી, અતુલ વાણંદની મહેસાણાથી અમરેલી બદલી, ડી.વી.રાણા L ડિવિઝન અમદાવાદ શહેર ખાતે બદલી, ડી.એસ પટેલ વિભાગીય પો.અધિકારી ગાંધીનગર બદલી કરાઇ છે.
ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર
Tags: Gujarat police, Gujarati news, IPS officers transfers, IPS officers transfers news, Transfer