Ahmedabad: Check and take the gas cylinder that comes to your home, this business is going on


અમદાવાદ: જો તમારા ઘરે આવતા ગેસ સિલિન્ડરનું વજન કર્યા વિના તમે સિલિન્ડરની ડિલિવરી લો છો તો ચેતી જજો. કારણ કે અમદાવાદમાં ફરી એક વાર ગેસ સિલિન્ડરમાંથી ગેસ ચોરીનું કૌભાંડ ઝડપાયું છે. ઘરેલુ ગેસ સિલિન્ડરમાંથી ગેસ કટિંગ કરીને ખાલી બાટલાં રિફીલિંગ કરી બારોબાર વેચી દેનાર એક યુવકની વાડજ પોલીસે ધરપકડ કરી છે.

ઘણા સમયથી ગેસ કટિંગ કરીને વેચતો હતો

જૂના વાડજ વિસ્તારમાં નરસિંહ ભાઈની ચાલી સામે ખુલ્લી જગ્યામાં ઘરેલુ ગેસ સિલિન્ડરમાંથી ગેસ ચોરીની બાતમી વાડજ પોલીસને મળી હતી. જેના આધારે પોલીસે રેડ પાડતા એક ભરેલા સિલિન્ડરમાંથી ખાલી સિલિન્ડરમાં ગેસ રિફીલિંગ કરતો યુવક રંગેહાથ ઝડપાયો હતો. આરોપી પાસેથી અલગ-અલગ 11 ગેસના સિલિન્ડર કબ્જે કરવાના આવ્યા છે. આ મામલે વાડજ પોલીસે ભરત પરમાર નામના યુવકની ધરપકડ કરી પૂછપરછ શરૂ કરી છે.

પકડાયેલો આરોપી ભરત પરમાર શાસ્ત્રીનગરમાં આવેલી ઇન્ડિયન ગેસની અર્જુન ગેસ એજન્સીમાં 2 વર્ષથી પેટા ડિલિવરી બોય તરીકે કામ કરતો હતો અને ખાલી બાટલામાં ગેસ રિફિલ કરી 1100 રૂપિયામાં વેચી નાખતો હતો ત્યારે આરોપી કેટલા સમયથી ગેસ કટિંગ કરીને વેચતો હતો અને ગેસ એજન્સીના કર્મીની આ મામલે સંડોવણી છે કે કેમ તેમજ પકડાયેલા આરોપીનો કોઈ ગુનાહિત ઇતિહાસ છે કે કેમ તે દિશામાં વાડજ પોલીસે તપાસ શરૂ કરી છે.

આ પણ વાંચો: સાસુ સસરાએ વહુ સમક્ષ કરી જીદ, “રાત્રે તમારે બેડરૂમ ખુલ્લો રાખીને જ…”

ઘરમાં વહેલો બાટલો પૂરી થઇ જવાની ફરિયાદો

મહત્વનું છે કે, આ પ્રકારની ઘટના પેહલી વાર સામે આવી નથી. અગાઉ પણ અનેકવાર આવી રીતે ગેસ ચોરીની ઘટના સામે આવી ચૂકી છે અને આરોપીઓ પણ પકડાઈ ચૂક્યા છે. જોકે, આવા લોકો થોડા રૂપિયા માટે ગ્રાહકો સાથે છેતરપિંડી કરી રહ્યા છે અને જેને લઇને અનેક ઘરોમાં જેટલો બાટલો ચાલવો જોઈએ તેટલો ચાલતો નથી, ત્યારે સવાલ ઊભો થાય છે કે શું માત્ર ડિલિવરી આપવા માટેના લોકો જ સંડોવાયેલા હોય છે કે પછી અન્ય લોકો પણ સામેલ હોય છે?

તમારા શહેરમાંથી (અમદાવાદ)

Published by:Azhar Patangwala

First published:

Tags: Ahmedabad news, Gas cylinder, Gujarat News



Source link

Leave a Comment