Ahmedabad Controversy over aap poster in front of the temple


અમદાવાદ: શહેરના સોલા વિસ્તારમાં આવેલા રામાપીર મંદિર સામે દીવાલ પર આમ આદમી પાર્ટીના કાર્યકર્તાઓ દ્વારા પોસ્ટર ચિપકવાનો વિવાદ સોલા પોલીસ સ્ટેશન સુધી પોહચ્યો હતો. અમદાવાદના સોલા વિસ્તારમાં રહેતા અને માપીરના મંદિરના ટ્રસ્ટ પ્રમુખ દિયારામ પનાજી પ્રજાપતિએ સોલા પોલીસ સ્ટેશનમાં ફરિયાદ કરી છે.

ફરિયાદ અનુસાર, ગત 4 સપ્ટેમ્બરે દિયારામ પનાજી પ્રજાપતિ મંદિરના પ્રિમાઈસીસમાં આવેલી ઓફિસમાં હતા, તે દરમિયાન મંદિરના ગેટની સામે આવેલા બ્રિજની દિવાલ ઉપર કોઈ બે અજાણ્યા લોકો આમ આદમી પાર્ટીના પોસ્ટર લગાવતાં હોવાનું જાણવા મળ્યું હતું. જાણ થતાં તેઓ ત્યાં પહોંચ્યા હતા અને તેમને મંદિરના ગેટની સામે અને ધાર્મિક જગ્યાની સામે આવા કોઇ રાજકીય પાર્ટીઓના પોસ્ટરો લગાવવા મામલે રોક્યા હતા. તેમણે પોતે આમ આદમી પાર્ટીના કાર્યકર તરીકેની ઓળખ આપી હતી.

આ પણ વાંચો: રાજકોટ: જાહેરમાં પિસ્તોલ-બંદૂક સાથે યુવાનનો ‘શાહી અંદાજ’, વીડિયો વાયરલ

જે બાદ તેઓ મંદિરની ઓફીસમાં હાજર હતા ત્યારે ત્રણ લોકો ત્યાં આવ્યા હતા અને તેમને પોસ્ટર લગાવવા મામલે ધમકી આપી હતી. ફરિયાદમાં જણાવ્યા અનુસાર, આ લોકોએ દિયારામ પ્રજાપતિને કહ્યું હતું કે, તમે અમારી આમ આદમી પાર્ટીના પોસ્ટર મંદિરની સામે લગાવવાની કેમ ના પાડો છો? એકવાર અમારી સરકાર આવી જવા દો પછી તમને અહીંથી મારીમારીને ભગાડી દઈશું અને બિભત્સ ગાળો ભાંડી હતી. સાથે જ આરોપ મૂકવામાં આવ્યો છે કે, આ લોકોએ તેમને ધમકી આપી હતી કે, અમારી પાર્ટીના પોસ્ટર લગાવવાની ના પાડશો તો હાથ-પગ તોડી નાખીશું.

Published by:Azhar Patangwala

First published:

Tags: Aaam Aadmi Party, Ahmedabad news, Gujarat News



Source link

Leave a Comment