animal treatment camp was held in Junagadh 4126 animals were treated in single day jap dr – News18 Gujarati


Ashish Parmar, Junagadh: જિલ્લામાં પશુધન પર નિર્વાહ કરનાર વર્ગ ખૂબ મોટો છે, જેમાં પોતાના દુધાળા પશુઓના દૂધથી જ પોતાના ઘરનું ગુજરાન ચલાવતા હોય છે ત્યારે જો એ દુધાળું પશુ ક્યારેક બીમાર થઈ જાય તો નિર્વહન કરનારને ભારે મુશ્કેલીઓનો સામનો કરવો પડતો હોય છે.જૂનાગઢ જિલ્લા તંત્ર દ્વારા બીમાર પશુઓને સારવાર આપવા માટે એક કેમ્પનું આયોજન કરવામાં આવ્યું હતું .આ કેમ્પ 9 તાલુકાઓમાં આયોજન કરવામાં આવ્યો હતો. જેથી આ 9 તાલુકામાં યોજાયેલ એક દિવસીય કેમ્પમાં વિક્રમજનક રીતે 4126 જેટલા પશુઓને સારવાર આપતાં પશુપાલકોએ પણ આનંદની લાગણી અનુભવી હતી.

આઝાદીના અમૃત મહોત્સવ અંતર્ગત પશુપાલન ખાતુ ગુજરાત અને જિલ્લા પંચાયત જૂનાગઢ અને સાવજ જિલ્લા સહકારી દૂધ સંઘના સંયુક્ત ઉપક્રમે જૂનાગઢ જિલ્લા પંચાયત પ્રમુખ શાંતાબેન ખટારિયા અને જિલ્લા વિકાસ અધિકારી મીરાંત પરીખના માર્ગદર્શન હેઠળ આ સમગ્ર કાર્યક્રમનું આયોજન કરવામાં આવ્યું હતું. જેમાં જૂનાગઢ જિલ્લાના 9 તાલુકામાં પશુ સારવાર કેમ્પ યોજવામાં આવ્યો હતો. જેમાં એક જ દિવસમાં જિલ્લામાં 4126 પશુઓને સારવાર આપવામાં આવી હતી.

મહિલા સશક્તિકરણ અને મહિલાઓ પણ પશુપાલન થકી પગભર બને તે માટે આત્મનિર્ભર મહિલા કિશાન પખવાડાની ઉજવણી અંતર્ગત આ કેમ્પનું આયોજન કરવામાં આવ્યું હતું.

આ પણ વાંચો: સિંહોની ભવનાથમાં લટાર, બે સિંહબાળ સાથે બે સિંહણો થઇ કેમેરામાં કેદ

જૂનાગઢ જિલ્લા સાવજ સહકારી દૂધ સંઘના ચેરમેન દિનેશભાઇ ખટારિયા દ્વારા વંથલી તાલુકાના બાલોટ ગામ ખાતેથી પશુ સારવાર કેમ્પનો પ્રારંભ કરવામાં આવ્યો હતો. આ કેમ્પ દરમિયાન જિલ્લામાં 4126 પશુઓને વ્યંધત્વ નીવારણ, બીમાર પશુઓની સારવાર, ઓપરેશન અને કૃમિનાશક દવાઓ તેમજ વિસ્તરણ સહિતની કામગીરી કરવામાં આવી હતી. આટલા મોટા પ્રમાણમાં ગાય સહિતના પશુઓને સારવાર આપવામાં આવતા અનેક રોગનો પશુઓને હોસ્પિટલ લઈ જતા સિવાય જ નિકાલ કરવામાં આવ્યો હતો. લમ્પી જેવા સમયમાં ગાય જેવા પશુઓને સારવાર મળી રહેતા પશુપાલકોએ પણ આનંદની લાગણી વ્યક્ત કરી હતી. આ કેમ્પ દરમિયાન જે ગામમાં સૌથી દૂધ ભરાવી આપનાર મહિલાઓ હોય છે તેમનું પણ 1 થી 3 માં ક્રમાંકમાં પ્રમાણપત્ર આપી અને સન્માન કરવામાં આવ્યું હતું.

Published by:Santosh Kanojiya

First published:

Tags: Animal, Cattle, Junagadh news, Junagadh Samachar, જૂનાગઢના સમાચાર



Source link

Leave a Comment