Are you going to vote for the first time in the upcoming elections? you get demonstration of EVM.PSP – News18 Gujarati


Prashant Samtani, Panchmahal: ગુજરાત વિધાનસભાની ચૂંટણી ને હવે જ્યારે ગણતરી ના જ દિવસો બાકી છે, ત્યારે નવા મતદારો માં પ્રથમ વખત મત આપવાનો અનેરો ઉત્સાહ જોવા મળી રહ્યો છે, સાથે સાથે નવા મતદારો પ્રથમ વખત મત આપવા જવાના હોવાથી ઘણાં પ્રશ્નોથી મુંજાઈ રહ્યા છે. આખરે ટીવી અને સમાચારોમાં તો EVM અને VVPAT મશીન ઘણી વખત જોયેલી હોંય છે, પરંતુ જ્યારે પ્રથમ વખત મત આપવાનાં હોંય અને જ્યારે ખરેખર EVM – VVPAT સામે હોંય ત્યારે નવા મતદારો તેના ઉપયોગ ને લઈને ઘણા મુંજાંતા હોંય છે. મત આપવાની સમગ્ર પ્રક્રિયાને સમજવી ખૂબ જરૂરી છે, જો યોગ્ય પદ્ધતિથી મતદાન નકરવામાં આવે અથવા મત આપવાની પ્રક્રિયામાં જો કોઈ નાની મોટી ક્ષતિ રહી જાય તો પણ મત ગણતરી માં ગણાતો નથી અને મત રદ થાય છે.

મતદાન કરતી વખતે માત્ર EVM જ નહીં VVPAT મશીનને પણ સમજવી ખૂબ જરૂરી છે. પંચમહાલ જિલ્લા ના દરેક વ્યક્તિ સરળતા થી EVM-VVPAT ની કાર્ય પદ્ધતિ સમજી શકે તે માટે પંચમહાલ જિલ્લા ના નાયબ જિલ્લા ચૂંટણી અધિકારી ની સૂચના અનુસાર ગોધરા ખાતે આવેલ જિલ્લા સેવા સદન ( જિલ્લા કલેક્ટર કચેરી ખાતે ) EVM – VVPAT નિદર્શન કાર્યનું આયોજન ગોઠવવામાં આવ્યું છે.

પંચમહાલ જિલ્લા નાયબ ચૂંટણી અધિકારીએ ખાસ પંચમહાલ જિલ્લા ના નવા મતદારો કે જેઓ પ્રથમ વખત મતદાન કરવાના છે, તેઓ ખાસ કરીને EVM – VVPAT નિદર્શન કાર્ય ની મુલાકાત લે , અને EVM અને VVPAT મશિન ની કાર્ય પદ્ધતિ વિશે સંપૂર્ણ પણે માહિતગાર થઈ અન્ય લોકો ને માહિતગાર કરે તેવું આહ્વાન કર્યું છે.ભારત ચૂંટણી આયોગ ધ્વારા વધુ ને વધુ મતદારો આ નિદર્શન કાર્ય માં ભાગ લે અને મતદાન કરવાની સમગ્ર પ્રક્રિયા વિશે માહિતગાર થાય તે માટે ખાસ દરેક જિલ્લા તથા તાલુકા લેવલે EVM – VVPAT ના નિદર્શન કાર્યક્રમ નું આયોજન કરવા આહવાન કર્યું છે.

પંચમહાલ જિલ્લાના લોકો સરળતાથી નિદર્શનની મુલાકાત લઈ શકે તે માટે ગોધરા ખાતે કલેક્ટર કચેરીમાં સ્થાયી EVM – VVPAT નિદર્શનને ખુલ્લું મુકવામાં આવ્યું છે.

First published:

Tags: 2022 Assembly elections, Panchmahal, Voters



Source link

Leave a Comment