bollywood breaking veteran actor vikram gokhale passed away at the age of 82 – News18 Gujarati


નવી દિલ્હી: બોલિવૂડના દિગ્ગજ અભિનેતા વિક્રમ ગોખલેએ આપણી વચ્ચેથી વિદાય લીધી છે. મીડિયા રિપોર્ટ્સ અનુસાર, તેમનું 82 વર્ષની વયે નિધન થયું છે. તમને જણાવી દઈએ કે, વિક્રમ છેલ્લા 15 દિવસથી પુણેની દીનાનાથ મંગેશકર હોસ્પિટલમાં દાખલ હતો અને તેની હાલત નાજુક હોવાનું કહેવાય છે.

વિક્રમ ગોખલેએ ‘અગ્નિપથ’, ‘હમ દિલ દે ચૂકે સનમ’ અને ‘ભૂલ ભુલૈયા’ જેવી બ્લોકબસ્ટર ફિલ્મોમાં પોતાની અભિનય કર્યો છે. ETimes એ સૂત્રોને ટાંકીને જણાવ્યું છે કે, વિક્રમ ગોખલેના પાર્થિવ દેહને સવારે બાલગંધર્વ ઓડિટોરિયમમાં લઈ જવામાં આવશે, જ્યાં તેમના મિત્રો અને પરિવારજનો અંતિમ શ્રદ્ધાંજલિ આપશે.

આ પણ વાંચો: Aindrila Sharma: બંગાળી એક્ટ્રેસ એંડ્રિલા શર્માનું નિધન, બે વાર કેંસરને માત આપી પરંતુ હાર્ટ એટેકે લીધો જીવ

આ સમાચાર આવી રહ્યા હતા કે, અભિનેતાની હાલત ખૂબ જ ગંભીર છે. થોડા દિવસો પહેલા વિક્રમ ગોખલેને પુણેની દીનાનાથ મંગેશકર હોસ્પિટલમાં દાખલ કરવામાં આવ્યા હતા. પીઢ અભિનેતાના અવસાન બાદ સોશિયલ મીડિયા પર શોકનું મોજુ ફરી વળ્યું હતું. નેટીઝન્સ હવે તેમના ફેન્સ દિવંગત અભિનેતાને સતત શ્રદ્ધાંજલિ આપી રહ્યા છે.

તમને જણાવી દઈએ કે, વિક્રમ ગોખલેના પરિવારનો હિન્દી સિનેમા સાથે લાંબો નાતો છે. તેમની માતા હિન્દી સિનેમાની પ્રથમ ભારતીય કલાકાર હતી અને એટલું જ નહીં, એવું પણ કહેવાય છે કે, તેમની દાદીએ હિન્દી સિનેમામાં બાળ કલાકાર તરીકે ડેબ્યૂ કર્યું હતું, જેનું દિગ્દર્શન દાદાસાહેબ ફાળકે દ્વારા કરવામાં આવ્યું હતું, જેને ભારતીય સિનેમાના પિતા માનવામાં આવે છે. તેમના પિતા ચંદ્રકાંત ગોખલેએ પણ 50 થી વધુ મરાઠી ફિલ્મોમાં અભિનય કર્યો હતો.

Published by:Samrat Bauddh

First published:

Tags: Bollywood actor



Source link

Leave a Comment