Dantiwada Jawahar Navodaya Vidyalaya announced the website for getting admission in class 9.nrb – News18 Gujarati


Nilesh Rana, Banaskantha: જવાહર નવોદય વિદ્યાલય, દાંતીવાડા, જિ. બનાસકાંઠા એ ભારત સરકારના શિક્ષણ મંત્રાલય, હસ્તક ચાલતી એક સ્વાયત સંસ્થા છે. જેમાં ધોરણ- ૯ માં પ્રવેશ મેળવવા માટેની પ્રવેશ પસંદગી પરીક્ષા તા. ૧૧.૦૨.૨૦૨૩, શનિવાર ના રોજ જિલ્લા શિક્ષણાધિકારી, પાલનપુર દ્વારા નિર્ધારિત કરવામાં આવનાર પરીક્ષા કેન્દ્રો પર લેવામાં આવનાર છે. આ માટેના ઓનલાઇન પ્રવેશ પરીક્ષા અંગેના અરજીપત્રકો ભરવાની છેલ્લી તા.૧૫.૧૦.૨૦૨૨ છે.

આ પ્રવેશ પરીક્ષામાં ભાગ લેવા ઇચ્છતા હાલ શૈક્ષણિક વર્ષ ૨૦૨૨-૨૦૨૩માં બનાસકાંઠા જિલ્લાની સરકાર માન્ય શાળામાં ધોરણ- ૮ માં અભ્યાસ કરતાં અને અન્ય જરૂરી લાયકાત ધરાવતા ઉમેદવારો જ ઓનલાઇન અરજી કરી શકશે. આ પરીક્ષા અંગેના ઓનલાઇન અરજીપત્રકો જવાહર નવોદય વિદ્યાલયની વેબસાઇટ  www.navodaya.gov.in મારફતે અથવા www.nvsadmissionclassnine.in પરથી ભરી શકાશે. વધુ માહિતી મેળવવા માટે જવાહર નવોદય વિદ્યાલય, દાંતીવાડા, જી. બનાસકાંઠાનો સંપર્ક કરવા આચાર્યએ જણાવ્યું છે.

જવાહર નવોદય વિદ્યાલય દ્વારા નાનામાં નાના ગામ સુધી શિક્ષણ પહોચાડવા પ્રયાસ છે માટે, દરેક જિલ્લા પ્રમાણે શાળાના ૭૫% સ્થાન ગ્રામિણ વિદ્યાર્થીઓ માટે સંરક્ષિત રાખવામાં આવે છે. એવો પ્રયત્ન કરવામાં આવે છે.આ શાળામાં વિદ્યાર્થી ૧૨ ધોરણ સુધી અભ્યાસ કરી શકે છે. વિદ્યાર્થીનેભણતર-રહેવા-જમવા થી માંડી શાળાનો ગણવેશ નિ:શુલ્ક પુરો પાડવામાં આવે છે. આ સંપૂર્ણ ખર્ચ ભારત સરકાર દ્વારા ઉઠાવવામાં આવે છે.

First published:

Tags: Banaskantha, Government School, School admission



Source link

Leave a Comment