daughter murdered her father crime news in gujarati rv


Crime News: અવારનવાર પ્રેમ પ્રકરણમાં પિતા દ્વારા પુત્રીની હત્યાના કિસ્સા બને છે. પરંતુ, આ વખતે તેના પ્રેમના કારણે સગીર પુત્રીએ તેના પ્રેમી સાથે મળીને પિતાની હત્યા કરી નાખવાનો કિસ્સો સામે આવ્યો છે. પિતાનો વાંક માત્ર એટલો જ હતો કે તેણે સગીર દીકરીને સમજાવ્યું હતું કે હજુ તેના પ્રેમસંબંધની ઉંમર નથી થઈ. પરંતુ, પુત્રીને આ પસંદ ન આવ્યું અને તેણે તેના પ્રેમી સાથે મળીને તેના જ પિતાની હત્યા કરવાનું નક્કી કર્યું.

આ કેસમાં પોલીસે આરોપી સગીર યુવતી અને તેના પ્રેમી રાહુલની ધરપકડ કરી છે. રાહુલ મહારાષ્ટ્રનો રહેવાસી છે. તમને જણાવી દઈએ કે, 22મીએ વૈશાલી વિસ્તારમાં વૃદ્ધ અનિલ સક્સેનાનું ગળું દબાવીને હત્યા કરવામાં આવી હતી.

આ પણ વાંચો:  પત્ની સાથે સામાન્ય બોલાચાલી પછી પતિએ પત્નીની ગર્દન પાવડાથી કાપી નાંખી, મૃત્યુ પછી 10 મિનિટ સુધી કરતો રહ્યો હુમલો

અનિલ સક્સેનાની પત્ની આરોગ્ય વિભાગમાં છે, જ્યારે તે ઘરે આવી ત્યારે તેણે પતિનો મૃતદેહ જોયો. સગીર પુત્રી ઘરમાંથી ગુમ હતી. આ પછી પોલીસને સગીર પુત્રી પર શંકા ગઈ હતી.

એવું કહેવાય છે કે પોલીસને માહિતી મળી હતી કે મૃતક દ્વારા બાળકીને સંતાન ન હોવાથી દત્તક લેવામાં આવી હતી. કડીઓ શોધતી વખતે આજે સગીર પુત્રી ઝડપાઈ ગઈ હતી. તેનો બોયફ્રેન્ડ રાહુલ પણ પકડાયો હતો. બંને સીસીટીવીમાં સાથે જતા પણ જોવા મળ્યા હતા.

આ પણ વાંચો:  ગોરખપુરમાં અનાથ આશ્રમની આડમાં વેચવામાં આવતા હતા બાળકો, પોતાની જાળમાં ફસાયો આરોપી

પોલીસ પૂછપરછ દરમિયાન આરોપી રાહુલે જણાવ્યું કે છોકરીના પિતાને તેમના પ્રેમપ્રકરણ સામે વાંધો હતો, જેના કારણે તેઓ 22મીએ તેમના ઘરે પહોંચ્યા અને તેઓએ સાથે મળીને અનિલ સક્સેનાનું ગળું દબાવીને હત્યા કરી નાખી હતી.

Published by:Rahul Vegda

First published:

Tags: Crime case



Source link

Leave a Comment