Gujarat: Two workers fall to death while installing lift


સુરત: સુરતના પાંડેસરા વિસ્તારમાં આવેલા બમરોલી રોડ નજીકના પેલેડિયમ કોમ્પ્લેક્સના 14મા માળેથી લિફ્ટના પેસેજમાં કામ કરતા બે યુવકો નીચે પટકાયા હતા. નીચ પટકાતા બંને યુવકનાં કરુંણ મોત થયું હતું. આ ઘટનાને લઈને સમગ્ર વિસ્તારમાં ચર્ચા સાથે રોષ જોવા મળી રહ્યો છે. ઘટનાની જાણ થતા પોલીસ સહિત વિભાગનો કાફલો ઘટના સ્થળે પહોંચ્યો હતો. બંને યુવકો સાઘનો વગર કામ કરતા હોવાથી અકસ્માત થયો હોવાનું પોલીસ તપાસમાં સામે આવ્યું છે.

સુરતના પાંડેસરા વિસ્તારના બમરોલી રોડ પર આવેલા પ્લેટિનિયમ કોમ્પ્લેક્સ કે જેનું નવનિર્માણ ચાલી રહ્યું છે તે બિલ્ડિંગના એક ટાવરના 14મા માળે લિફ્ટના મેસેજમાં કામ કરતાં કરતાં અચાનક બે યુવકો 14મા માળેથી નીચે પટકાયા હતા. જેને લઈને તેઓના કરુંણ મોત થયા હતા. મળતી માહિતી પ્રમાણે લિફ્ટનું કામ કરતા આકાશ નામના યુવકનું બેલેન્સ બગડ્યું હતું. જેથી તેની સાથે કામ કરતો તેમજ તેનો હમવતની એવો નિલેશ પણ તેને બચાવવા ગયો હતો. નિલેશે પણ બેલેન્સ ગુમાવતા બંને 14મા માળેથી નીચે પટકાયા હતા.

આ પણ વાંચો: સુરત: લિંબાયતમાં ભાજપના માજી કોર્પોરેટરની માતા સાથે બે લાખ રૂપિયાની ઠગાઈ

ઘટનાની જાણ થતાં આજુબાજુના અન્ય બિલ્ડિંગોમાં કામ કરતા કર્મચારીઓ દોડી આવ્યા હતા અને ઘટનાની જાણ પોલીસ અને ફાયર વિભાગને કરી હતી. ખાસ કરીને આ નવનિર્મિત બિલ્ડિંગમાં કામ કરતા કર્મચારીઓ પાસે સેફ્ટીના કોઈપણ સાધન ન હોવાથી આ ઘટના બની હોવાનું સામે આવ્યું હતું. બંને યુવકોનાં મૃત્યુ થતા પોલીસે મૃતદેહને પોસ્ટ મોર્ટમ માટે મોકલી આપ્યા છે. આ બંને યુવકો લિફ્ટના બોલ્ટ ફીટ કરવાનું કામ કરી રહ્યા હતા. પોલીસે આ મામલે અકસ્માત મોતનો ગુનો દાખલ કરીને વધુ તપાસ આદરી છે.

ઉલ્લેખનીય છે કે બે દિવસ પહેલા અમદાવાદ શહેરમાં પણ આવો જ બનાવ બન્યો હતો. આ બનાવમાં કુલ આઠ લોકો લિફ્ટ માટે સેન્ટિંગનું કામ કરી રહ્યા હતા ત્યારે માચડો તૂટી પડતા નીચે પટકાયા હતા. આઠમાંથી સાત લોકોનાં કરુણ મોત થયા હતા જ્યારે એક વ્યક્તિને ગંભીર ઈજા પહોંચી છે. આ મામલે પોલીસે IPCની કલમ 304 અને 114 મુજબ સદોષ માનવવધનો ગુનો દાખલ કર્યો છે, તેમજ ત્રણ લોકોની ધરપકડ કરી છે. પોલીસે કોન્ટ્રાક્ટર (Contractor) સૌરભ શાહ, પેટા કોન્ટ્રાક્ટર દિનેશ પ્રજાપતિ અને કિરીટ પટેલની ધરપકડ કરી છે.

Published by:Vinod Zankhaliya

First published:

Tags: Lift, અકસ્માત, સુરત





Source link

Leave a Comment