Husband cut his wife neck with shovel on minor dispute


બારાબંકી: ઉત્તરપ્રદેશના બારાબંકી જિલ્લામાં પત્ની સાથે થયેલી સામાન્ય બોલાચાલી પછી પતિ એટલો નારાજ થઈ ગયો કે તેણે પોતાની પત્નીની ગરદન પર પાવડો મારીને તેની હત્યા કરી નાંખી. આ ઘટના પછી પણ પતિ ક્યાંય ભાગ્યો નહોતો. તેણે સતત લગભગ 10 મિનિટ સુધી પત્નીની ગરદન પર પાવડા વડે હુમલા કરવાનું ચાલુ રાખ્યું હતું. તે પછી પણ તે ત્યાં જ ઉભો રહ્યો હતો. જ્યારે આ વાતની જાણ ગામના લોકોને થઈ તો તેમણે પતિને પકડીને ખૂબ માર્યો અને તેને પોલીસના હવાલે કરી દીધો. આ ઘટના બારાબંકી જિલ્લાના સતરિખ પોલીસ સ્ટેશનના ગામ જૈનાબાદ મજરે બબુરિહાની છે.

15 વર્ષ પહેલા થયા હતા લગ્ન


આરોપી અજય કુમારના લગ્ન લગભગ 15 વર્ષ પહેલા સતરિખ ક્ષેત્રના જ સિકંદરપુર નિવાસી રામશંકરની પુત્રી વર્ષા સાથે થયા હતા. વર્ષાના ચાર બાળકો છે. વર્ષાના પિયર પક્ષના જણાવ્યા મુજબ તેનો પતિ અજય કુમાર મોટાભાગે તેને હેરાન કરતો હતો. દરેક નાની-નાની વાત પર તે તેની સાથે મારપીટ કરતો હતો. આ વાત તેણે ઘણી વખત પિયરમાં પણ કહી હતી. જોકે પિયરવાળા તેને સમજાઈને સાસરે મોકલી દીધા હતા. જોકે આજે સામાન્ય બોલાચાલી પછી આરોપીએ તેની ખરાબ રીતે હત્યા કરી દીધી હતી.

વર્ષા આરામ કરતી હતી ત્યારે તેની પર કર્યો હુમલો


મૃતક મહિલાના પરિવારના સભ્યોના જણાવ્યા અનુસાર વર્ષા ખાટલા પર સુઈ રહી હતી. આ દરમિયાન તેના પતિ અજયે સામાન્ય બોલાચાલી પછી તેની પર પાવડાથી હુમલો કર્યો હતો. તેના પગલે વર્ષાનું ઘટના સ્થળે જ મૃત્યું થયું હતું. પ્રાપ્ત માહિતી મુજબ પતિને એટલો ગુસ્સો હતો કે વર્ષાના મૃત્યુ પછી પણ તે તેની ગરદન પર હુમલો કરતો રહ્યો હતો. હત્યા પછી આરોપી અજયને કેટલાક ગ્રામીણોએ પકડી લીધો અને તેને ખૂબ માર માર્યો હતો.

આ પણ વાંચો: અહીં સુહાગરાતના દિવસે પતિ-પત્ની સાથે રૂમમાં સૂઇ જાય છે દીકરીની માતા!

આરોપીની પાવડા સાથે ધરપકડ


હત્યાની માહિતી મળ્યા પછી પોલીસ ઘટના સ્થળે પહોંચી હતી. બારાબંકીના અપર પોલીસ અધિક્ષક ડો.અખિલેશ નારાયણ સિંહના જણાવ્યા મુજબ અજય નામના વ્યક્તિએ પોતાની પત્ની વર્ષા સાથે બોલાચાલી પછી તેની પાવડાથી હત્યા કરી દીધી હતી. આરોપી પતિની પાવડા સાથે ધરપકડ કરવામાં આવી છે. આગળની કાર્યવાહી કરવામાં આવી રહી છે.

Published by:Vrushank Shukla

First published:

Tags: Accused Husband, Husband and Wife, Wife Murder



Source link

Leave a Comment