Koyali villages self help Women gets Employment from Cow Products Received orders from america apj – News18 Gujarati


Ashish Parmar Junagadh : જૂનાગઢની ગોપી મંગલમ જૂથ દ્વારા દિલ્હી, ભોપાલ અને મૈસુર ખાતે પણ પંચગવ્ય આઇટમોના સ્ટોલથી બમણી કમાણી કરી છે. જુનાગઢ જિલ્લાના વંથલી તાલુકાના કોયલી ગામે પ્રગતિશીલ મહિલા ગાયના ગોબરમાંથી અલગ અલગ પ્રોડક્ટ બનાવે છે, જે બજારમાં વહેંચી પોતે અને ગામની બહેનોને રોજગારી આપે છે. છેલ્લા પાંચ વર્ષથી કાર્યરત સખી મંડળની પંચગવ્યો આઇટમો અને ખાસ કરી ગાયના ગોબરમાંથી બનતી અવનવી આઇટમોએ માત્ર ભારત જ નહિ પરંતુ દેશ વિદેશમાં અલગ ઓળખ ઊભી કરી છે. ગોપી મંગલમ સખી મંડળના ભાવના બેન ત્રાંબડીયાની મુલાકાત લેતા તેમને જણાવ્યું હતું કે. 2016થી આ બહેનોનું જૂથ કાર્યરત થયું છે. જેમાં સૌ પ્રથમ આત્મા પ્રોજેક્ટમાં જોડાઈ એક વર્ષ માટે ટ્રેનિંગ લેવામાં આવી હતી. અને ત્યારબાદ પ્રકૃતિને કોઈપણ પ્રકારનું નુકસાન ન પહોંચે તેવા હેતુથી ગોબરમાંથી અને પંચવ્યો અવનવી માનવ ઉપયોગી આઈટમો બનાવવાની શરુઆત કરી હતી.

વધુમાં ગોપી મંગલમ જૂથના ભાવનાબેન ત્રાંબડીયાએ જણાવ્યું હતું કે સખી મંડળ દ્વારા પંચગવ્ય પ્રોડક્ટ બનાવીએ છીએ અને ગાયના ગોબરમાંથી અવનવી આઈટમો બનાવે છે. રક્ષાબંધનના જ્યારે હતી ત્યારે ગાયના ગોબરમાંથી અવનવી રાખડીઓ બનાવવામાં આવી હતી. ગણેશ ઉત્સવ સમયે અલગ અલગ ગણપતિની મૂર્તિઓ બનાવી હતી. હાલના સમયમાં જ્યારે નોરતા અને દિવાળી ના તહેવારો નજીક આવી રહ્યા છે ત્યારે હવન છાણા, દીવડાવો ,દિવાળી માટે લાભ ,શુભ ,કળશ,તોરણ ટોડલીયા વગેરે સુશોભન ની વસ્તુઓ ગોબર માંથી બનાવી છે.

હાલ માં જ અમેરિકા થી 5000 દિવડાઓનો ઓર્ડર આવ્યો

નોરતા પર બહારથી ઓર્ડર પણ અપાતા હોય છે ત્યારે નોરતા પર ગોબરમાંથી બનાવેલા દીવડાઓની માંગ ખૂબ જ હોય છે. જેમાં ભાવનાબેન ત્રાંબડીયા એ જણાવ્યું હતું કે અમેરિકાથી દીવડાઓનો ઓર્ડર પણ આપવામાં આવ્યો છે. અગાઉ દેશ અને વિદેશમાં પણ ગોબરમાંથી બનાવેલી રાખડી મોકલવામાં આવી હતી. જેમાં અમેરિકા કેનેડા જેવા દેશમાં પણ મોકલવામાં આવી છે.છેલ્લા બે વર્ષમાં મંગલમ સખી મંડળે 7 થી 8 લાખ રૂપિયાનો નફો કરી આવક મેળવી છે .

આ પણ વાંચો: ગરવા ગઢ ગીરનાર પર સર્જાયા આહલાદક દ્રશ્યો, જુઓ Video 

જૂનાગઢ જિલ્લા વિકાસ ગ્રામીણ એજન્સી દ્વારા પણ ગોપી મંગલમ માં જૂથની બહેનો દ્વારા બનાવવામાં આવતી ગોબર આઈટમો ને એમેઝોન પર વહેંચવા માટે મૂકવામાં માટેની પણ મદદ કરવામાં આવે છે.આ કામ દ્વારા અન્ય મહિલાઓને પણ સારી રોજગારી મળે છે સાથે સાથે પર્યાવરણની પણ સુરક્ષા થાય છે. પશુપાલન તેમજ વિવિધ વિભાગો દ્વારા મંગલમ સખી મંડળને અનેક એવોર્ડ પણ મળેલા છે.પર્યાવરણની સુરક્ષા સાથે આર્થિક રોજગારી આ કામમાં જોડાયેલા મહિલાએ જણાવ્યું હતું કે અમે અમારા ઘરમાં પણ મદદરૂપ થઇ છીએ. અમને આત્મનિર્ભર બનવા માટે ભાવનાબહેનનો ખૂબ મોટો ફાળો છે અને અમે અન્ય મહિલાઓને પણ પ્રેરણા આપે છે કે આત્મનિર્ભર બનીને ઉત્તમ રીતે સ્વવિકાસ કરવો જરૂરી છે.

તમારા શહેરમાંથી (જુનાગઢ)

First published:

Tags: Cow dung, Export, Junagadh news, Women Empowerment, Women equality



Source link

Leave a Comment