Raju Srivastav role of Gajodhar bhaiya made him a fan favorite

લોકોને પેટ પકડીને હસાવનાર કોમેડિયન રાજુ શ્રીવાસ્તવનું 41 દિવસ ICUમાં રહ્યા બાદ નિધન થયું છે. તેમની ઉંમર 58 વર્ષની હતી. ગયા મહિને તેઓ જીમમાં વર્કઆઉટ કરતી વખતે હાર્ટ એટેકનો ભોગ બન્યા હતા. ત્યારથી સારવારમાં હતા.

તેમના કરોડો ચાહકો છે. ધ ગ્રેટ ઇન્ડિયન લાફ્ટર ચેલેન્જના સ્ટાર પરફોર્મર હતા. ત્યારબાદ રાજુ શ્રીવાસ્તવે 2017માં આ શોએ કમબેક કર્યું ત્યારે ગેસ્ટ અપિયરન્સ આપ્યું હતું. તેઓ છેલ્લે ટેલિવિઝનમાં ઇન્ડિયા લાફ્ટર ચેમ્પિયનમાં જોવા મળ્યા હતા. તેમના પરિવારમાં પત્ની અને બે બાળકો છે.

આ પણ વાંચોઃ કોમેડિયન રાજુ શ્રીવાસ્તવનું નિધન, 40થી વધુ દિવસથી વેલન્ટિલેટર પર હતા

નાની ઉંમરથી જ મિમિક્રી સ્કિલ

રાજુ શ્રીવાસ્તવ કાનપુરના મધ્યમવર્ગીય પરિવાર જનમ્યા હતા. તેમની મિમિક્રી સ્કિલ નાની ઉંમરમાં લોકોને ધ્યાનમાં આવી હતી. જૂના ઇન્ટરવ્યુમાં તેમણે જણાવ્યું હતું કે, તેઓ નાનપણમાં સ્ટેજ પર પરફોર્મ કરવા શાળાના કાર્યક્રમોની રાહ જોતા હતા. બાદમાં તેમણે કોમેડિયન બનવાની સફર શરૂ કરી હતી અને એ પછી તરત જ મુંબઈ આવી ગયા હતો. એક વાર અમિતાભ બચ્ચનની નકલ કરતી વખતે તેમની નોંધ લેવામાં આવી હતી અને ટૂંક સમયમાં જ તેમને સ્ક્રીન પર બિગ બીની મિમિક્રી કરવાની ઓફરો મળવા લાગી હતી.

તેમણે મૈંને પ્યાર કિયા, આમદાની અઠની ખાર્ચા રૂપૈયા, મૈં પ્રેમ કી દિવાની હૂં જેવી ફિલ્મોમાં નાના રોલ કર્યા હતા. બાદમાં ધ ગ્રેટ ઇન્ડિયન લાફ્ટર ચેલેન્જમાં ભાગ લીધો હતો. ત્યાંથી તેની કારકિર્દીએ વેગ પકડ્યો હતો. દેશના પ્રથમ સ્ટેન્ડ-અપ શોના કારણે રાજુ શ્રીવાસ્તવ સાથે સુનિલ પાલ, નવીન પ્રભાકર અને ભગવંત માન સહિતના કલાકારો દેશને મળ્યા હતા.

ગજોધર ભૈયાએ રાજુ શ્રીવાસ્તવને આપી ખ્યાતિ

આ શોમાં રાજુ શ્રીવાસ્તવે ગજોધર ભૈયા તરીકે પરફોર્મ કરવાનું શરૂ કર્યું હતું. આ પાત્ર તેમના વતનના વાળંદથી પ્રેરિત હતું. તેમણે 2012માં ઝૂમ ટીવીને આપેલા એક ઇન્ટરવ્યુમાં કહ્યું હતું કે, તેમનામાં સ્ટોરી કહેવાની ખૂબ સારી પ્રતિભા હતી અને તેઓ રમુજી રીતે આવી સ્ટોરી શેર કરતા હતા. ગજોધર ભૈયાની રમુજી સ્ટોરી ચાહકોને ખૂબ ગમવા લાગી હતી.