Following the incident, the Surat Crime Branch team has solved the crime in a matter of days


સુરત: શહેરમાં એક યુવક અને યુવતી એકાંતમાં બેઠા હતા ત્યારે આરોપીઓએ યુવકને માર મારી યુવતી સાથે રેપ કર્યો હતો. ઘટનાને પગલે સુરત ક્રાઇમ બ્રાન્ચની ટીમે ગણતરીના દિવસોમાં ગેંગરેપનો ભેદ ઉકેલી નાંખ્યો છે. સુરત શહેરમાં પુણા પોલીસ સ્ટેશનની હદમાં ગત 11 તારીખે રાત્રિના સમયે આ ઘટના બની હતી. અહીં દેવધ રઘુવીર માર્કેટની સામેથી કુંભારીયા ગામ તરફ જવાના રસ્તા પર ખેતરમાં ભોગ બનનાર મહિલા સાથે જબરદસ્તી કરી ધમકી આપી ગેંગરેપની ઘટના સામે આવી હતી. ગેંગરેપની ઘટના સામે આવતાં સુરત પોલીસ દોડતી થઈ ગઈ હતી. જોકે, બાદમાં પોલીસે આરોપીઓના સ્કેચ પણ તૈયાર કરીને આરોપીને પકડવા માટે અલગ-અલગ દિશામાં તાપસ આદરી હતી.

પોલીસ વિવિધ દિશામાં તપાસ કરી રહી હતી તે દરમિયાન સ્કેચમાં બતાવેલ શકમંદ જેવા વ્યક્તિ ન્યુ બોમ્બે માર્કેટ સામે રાજીવનગર ઝુપડપટ્ટી વિસ્તારમાં રહેતા હોવાની માહિતી મળી હતી. જેના આધારે રાજીવનગર ઝુપડપટ્ટીમાં વોચ ગોઠવવામાં આવી  આરોપીઓને ઓળખી અટકાયત કરવામાં આવી હતી. પોલીસ દ્વારા તેમની સઘન પુછપરછ કરતા હવખોરોએ યુવતી સાથે ગેંગરેપ કર્યાની કબૂલાત કરી હતી. હાલ તો પોલીસે ગેંગરેપ કરનાર આરોપી વિદેશી ઉર્ફે વિકાસ ઉર્ફે ટકલા ઉમેશ યાદવ, ગોપાલ સુખદેવ મન્ના , જિતેન્દ્રકુમાર ઉર્ફે ફુલચંદ મનોહર યાદવની ધરપકડ કરીને જેલના સળિયા પાછળ ધકેલી દીધા છે. આ પકડાયેલ ત્રણેય આરોપી સરદાર માર્કેટમાં મજૂરીનું કામ કરતા હતા.

આ પણ વાંચો: કોંગ્રેસના કાર્યકારી અધ્યક્ષ જીજ્ઞેશ મેવાણીને 6 મહીનાની સજા ફટકારવામાં આવી

પકડાયેલ આરોપીઓની સઘન પૂછપરછ કરતાં જાણવા મળ્યું હતું કે, દેવધગામ તરફના રસ્તા ઉપર એક કેળાના ખેતરમાં એક યુવક યુવતી બેઠા હતા, ત્યારે આરોપીઓએ ઘાક-ધમકી આપી અને મારપીટ કરી બદકામ કર્યું હતું. આરોપી વિકાસ ઉર્ફે ટકલો ઉમેશ યાદવ તથા દિપક યાદવ નાઓએ એકાંતનો લાભ ઉઠાવીને યુવક યુવતીને ધાકધમકી આપી હતી. જે બાદ દિપક યાદવે તેમની પાસેના ગળે પહેરવાના પ્રમછાથી છોકરાનું ગળુ દબાવ્યું હતું, જ્યારે વિદેશી ઉર્ફે વિકાસે લાકડીથી છોકરાને માથાના પાછળના ભાગે માર મારી દોરીથી હાથ બાંધી દીધા હતા. જે બાદ યુવતીને કેળાના ખેતરમાં લઇ જઇ દુષ્કર્મ આચર્યું હતું અને આરોપીઓ તેમના મોબાઇલ ફોન લઇ નાસી ગયા હોવાની કબુલાત કરી છે.

Published by:Azhar Patangwala

First published:

Tags: Crime news, Gujarat News, Surat news



Source link

Leave a Comment