The group provides free tiffin service at home to the elderly-divyang aag dr – News18 Gujarati


Abhishek Gondaliya, Amreli:અમરેલી જિલ્લાના સાવરકુંડલા શહેરમાં અનેક વ્યક્તિઓ જે નિરાધાર છે, અનેક વ્યક્તિઓ વૃદ્ધ છે અને અનેક વ્યક્તિઓ અશક્ત છે કે જેઓ પોતાની જાતે બહારથી શ્રમ કરી અને પરિવારનું ગુજરાન નથી ચલાવી શકતા એવા વૃદ્ધ અશક્ત વ્યક્તિઓને ટિફિન આપવામાં આવી રહ્યા છે. જે બિલકુલ મફતમાં આપવામાં આવી રહ્યા છે. સાવરકુંડલા શહેરમાં છેલ્લા ત્રણ વર્ષથી વૃદ્ધ, અશક્ત વ્યક્તિઓને પોતાના નિવાસ સ્થાન સુધી મફતમાં ટિફિન સેવા પૂરી પાડતું હરતું ફરતું રસોડું વીરબાઈ મા ટિફિન સેવા. જે દરરોજના 130થી પણ વધુ ટિફિન સેવા સાવરકુંડલા શહેરમાં રહેતા વ્યક્તિઓના નિવાસ્થાન સુધી મફતમાં પૂરી પાડવામાં આવે છે.

આ ટિફિન સેવા સાથે છ વ્યક્તિઓ સંકળાયેલા છે, જેમાં ચાર વ્યક્તિ રસોઈ બનાવી રહ્યા છે અને બે વ્યક્તિ ઓના નિવાસ સ્થાન સુધી ટિફિન પહોંચાડે છે. 3 વર્ષ પૂર્વે શરૂ થયેલી ટિફિન સેવા આજે 130 થી પણ વધુ વ્યક્તિઓના નિવાસ સ્થાન સુધી પહોંચાડી રહ્યા છે. સાવરકુંડલા શહેરમાં આવેલા અમરેલી રોડ, મહુવા રોડ, જેસર રોડ નેસડી રોડ અને હાથસણી રોડ સહિતના વિસ્તારોની અંદર રહેતા અશક્ત. વૃદ્ધ. વ્યક્તિઓ સુધી મફતમાં દરરોજ ટિફિન પહોંચાડવામાં આવે છે. ટિફિન સેવામાં લોકો પોતાનું અનુદાન ચીજવસ્તુ અને રૂપિયા પેટે આપે છે, સાથે જ સાવરકુંડલા શહેરી વિસ્તારની અંદર મહિનાના બીજા અને ચોથા બુધવારે વિનામૂલ્યે સર્વ રોગ નિદાન કેમ્પનું આયોજન વીરબાઈ મા ટિફિન સેવા ટ્રસ્ટ દ્વારા કરવામાં આવે છે.

આ પણ વાંચો:  ‘ગાધકડા ગામ’ નવાબ શાસનમાંથી સૌથી છેલ્લું આઝાદ થયેલું ભારતનું ગામ

સાથે જ સાવરકુંડલા શહેરમાં મહિનાના ત્રીજા બુધવારે નેત્ર નિદાન કેમ્પનું આયોજન કરવામાં આવે છે. જેમાં બોહોળી સંખ્યામાં લોકો મોતિયાના ઓપરેશન માટે સાવરકુંડલા શહેરથી રાજકોટ ખાતે રણછોડદાસ બાપા હોસ્પિટલ ખાતે વિનામૂલ્ય મોકલવામાં આવે છે. આ ટિફિન સેવાની અંદર 130 વ્યક્તિને સાંજના સમયે કઢી, ખીચડી, શાક, રોટલીનું જમવાનું આપવામાં આવે છે. તમામ શુદ્ધ અને સાત્વિક બનાવવામાં આવે છે. માહી ઘીનો ઉપયોગ કઢી અને ખીચડીમાં કરવામાં આવે છે તો શાક બનાવવા માટે સીંગતેલનો ઉપયોગ કરવામાં આવે છે. આવી રીતે સાવરકુંડલા શહેરમાં છેલ્લા ત્રણ વર્ષથી નિરાધાર વૃદ્ધ વ્યક્તિઓને ટીફીનસેવાપૂરી પાડવામાં આવી રહી છે.

Published by:Santosh Kanojiya

First published:

Tags: Amreli News, અમરેલી



Source link

Leave a Comment